OGOTERA 326 - 350

MBWAT` OMORISIA   1 Mbwat` Omorisia Oyonyanchete;  Ansesenia nche Ntanyare kwera;  `S`Omosalab` agachandek` agakwa;  Erio menye as`obwanchani bwaye.   Chorus: Gotunya Yeso kera rituko;  Kende nkegonsaria kare nainche;  `Mosunte gose omobaso;  Yes`omorisi` one nere bionsi.   2 `Borisi` obonge aru` ase tore;  Mache aeta ng`ora ase` nde,  `Buya n`amabera bintunya nchera;  Tinkoremerwa kare nainche.   3 Kondatayaye nsire enchera;  Ere nang`use` ng`iranie nchera,  Nonya nobokong`u Nche tinkwoboa;  Morisi` Omuya Nandende rioka.   4 Merem` eere Rogendo boigo;  Ere nandae gochia Bwone nka,  Agw`ase ndamenye `Mogoko bori;  Nabanchwa ase Amagor` Aye.

MANG`AN` OMONW`ONE   1 Mang`an`omonwa`one, Nebirengererio bi`enkoro, Biancherwe ase ore, Naye chinguru n`Omotoria Amen.

TER`OGOTERA OKUYA   1 Ter`ogotera okuya,  Ret` amasari` amaya;  Seria omoichano bwonsi,  `S`ogotogi `okonene;  Moterer `otorendire, Koumer` abasani;  `Riogi riaye ritwegeria,  Ncher` as` amagor` aye.   Chorus: Tera Ogotera `Gotera kw`omogoko;  (Tera Ogotera) Tera Ogotera,  Kona kw`obobui; (Tera Ogotera)   2 `S`omogoko ter`orabe,  Ntoike rituk` erio;  Twora Hosan`omogoko,  Erio tomosasime;  Toter` obonene Bwaye  `Moki`ebirengererio;  Teb` omogano o kare,  Bwanchani bw`ogotoria.   3 O mbuya! Tat` Omochenu,  `S`amabera y`omwaka;  Gotok`ase ker` enkoro,  `Gotogia gw`ekeenee;  O mbuy` Omotori` Omwanchwa!, ` Gontori` as` amanyinga;  Totweri` Omoik` Omochenu,  Tong`us`ase Nyasae.

OBONENE ASE TATA   1 Obonen` ase Tata, n`Omwana, N`Omoik`Omochenu, Buna Yar`omochakano, Nab`ere goika kare. Amen

BORABU NDAE   1 Borabu ndae as` omoichano,  Ndae rioka,  Obotuko, ng`arende korwa nka,  Ndae rioka, Ndend` amagoro;  Timboreti korora egeka,  Kogoro okomo kong`isane.   2 Tinanarete iga, gosaba ng`a,  Ay`ondae  Nigo nanchete gochor` ayane, Bono ndae;  Ngancha omogoko ko inde omwoba,  Nkaenena,  Toinyor` ayaetire.   3 Chinguru chiao chiansesenirie,  Nchindae rioka As`amanani nas` emerindo,  Goika bokie Kobwakire,  `Malaika bagoka,  `Banyanchete ko bansireirie ake.

GOSIRA KORW`ASE YESO   1 Gosira korw`ase Yeso, Gochia ase abe;  Gosira botuko `Mobaso, Gosira aye bweka.   Chorus: Gosira korw`ase Yeso, korw`obwanchani bwaye;  Ng`ora eker`agokorangeria, Ngosir`ore korw`as`Are.   2 Gosira korw` ase Yeso, `Yorakogusuyie;  Gosira botuko `mobaso, Gosira korwa as`Are.   3 Gosira korw` ase Yeso, kogenda moeneno;  Gosira botuko `mobaso, Gochia `ngongo chi`obobe.   4 Gosira korw` ase Yeso, Malaika beumia;  Ning`otera` somogoko, korw` as` endib` etambe.

TOTERE BONO   1 Totere   bono   totere   n`omogoko.  `S`egek`egeke   ntoike   seito;  `Kanisa   entigari   nero erabue,  `S`egek`egeke` ntoike seito.   Chorus: Ee   nabo   bwango,   Ee   nabo   bwango,    Natoike   Igoro, Natobaror` abatigari   ba   Yeso,  `S`egek`egeke ntoike seito.   2 Tokore   bon`emeremo   n`amaboko,  `S`egek`egeke   ntoike   seito;  `Buya   bwa   Tata nabotoe chinguru,  `S`egek`egeke ntoike seito.   3 Abw`abarosu   tonyare   kobaremia,  `S`egek`egeke   ntoike   seito;  Natoboroki` abareu obwanchani,  `S`egek`egeke ntoike seito.   4 `Mogoko  ang`e ore  n`ogotima,  `S`egek`egeke  ntioke  seito;  N `amariga takob` as`omochi`oria,   `S`egek`egeke  ntoike seito.

MOBAKE NYASAE   1 Mobake Nyasae, Mogambi ore Igoro;  Oyore` emiaka yonsi, Omwanchanii; `Monene Yehova, Ense na Igoro;  Twaribak` erieta riao, Ribakwe bo.   2 Mobake Nyasae, `s` ogochika kwaye;  Ndw` as`ense ndigi` Omogoko, As` ar`ere;  Ntige bionsi ebiense, `Bonene, chisemii;  Mokor` ere bweka koba, `Nguba yane.   3 Omoganda bwensi, Mobake Nyasae;  Tata, Omwana n`Omoika, `Kero gionsi;  Motogie Nyasae, Mbwatisi`aba Igoro;  `Bonene bwensi n`obwao, N`ebako bo.

EGETUNWA NKERE ARE   1 Egetunwa nkere are, Getabwati orwaki;  As`Omonen` abambetwe, `Gakwa Atotorie.   Chorus: O ng`aki_Atwachete bori, Naintwe natomwache;  Tosemeri` amanyinga` aye, Nakomokorera.   2 Kegima titokomanya, `Boror` Anyorete;  Korende igo twegenete, Nintwe Akwerete.   3 `Gakwa tonyor` okwaberwa, Atokor` abaya;  Omoeri` Atoire Igoro, `Manying` Atotorie.   4 Taiy` ond` orenge konyara, Goakan`esira;  Ner`oigoret` egesieri, Kia-Igoro tosoe.

INWE ABARWANI MWEROISIE   1 Intwe abarwani, Mbweroisie kegima, Mobe noboremu, Mogende nomokia.   2 Nonya bono segi, Mobe nokwegena, Oyo `barangerie, Nare amo ninwe.   3 Gaki motenene, Mobe nokwegena. Moyetache ense, Omosunte bwonsi.   4 Gaki motenene, Mobe nokwegena Moyetache ense; Omosunte bwonsi.   5 Nabae chiguru; mogese kegima, Timoba `batamu; Ase `segi ime.   6 Rigori mokobua; Ne chinguru chiaye, Igoro mogende, Nobonene mono.

NAR`OMOSANI ONYANCHETE   1 Nar` Omosani _onyanchete, Kobua bonsi ab`ens`eye;  Nere Kristo Omochenu, Omonen` Ere n`oyone.   Chorus: N`oyon` Ar`O.... mosani_oyo, Nare ang`e.... `Kero gionsi; (Nare ang`e `kero gionsi, `kero gionsi); Buy`obonge... `moetanaine (`moetanaine) N`amay`onsi_Ere n`oyone.   2 N`oyon`Are ekiagera, Ankweret`erio ntoreke;  `S`omogoko `mosasime, Nimobak`Ere n`oyone.   3 Ig` Ar` oyone ekiagera, Are ime y`enkoro yane;  Bun`orosagia rw`omote, Nde_ime yay` Ere n`oyone.   4 Ituk` erim` ase chinchera, Chia_Igoro nimoror` Ere;  K`amboanirie nintere, `S`egeturi_Ere n`oyone.

MOBAKE OMONDA YESO   1 Mobake Omonda Yeso, Mo`ekengw`anso bono,  Er`otwabeir`ebibe Omogwenia oito;  Momobake, momobake, Omogambi botambe.   2 Mobake as`obwanchan Aorogeti` ens`eye,  Mobak` Ere botambe, Otosibiri` ebibe;  Momobake, momobake, Ner`Oyo bw`ekeene.   3 Buna Tat`ogotorenda Ere otomanyire,  Atotaboria rioka Korw`ase ababisa;  Momobake, momobake, Abar`ang`e na aare.   4 Amalaika mobake, Inwe morochaine,  Erioba n`omotienyi ikomotung`amera;  Momobake, momobake, Yes` Omond` O Igoro.

NDATER`ASE YESO   1 Ndater` ase Yeso,  As` obuya bwaye,  Nigo nkonyora ogosesenigw` as` are; Natoter` ase Yeso ekengw`anso kiaye,  Aiteret` amanyinga Omokonyi one.   2 Ndater`ase Yeso amatuko onsi,  Kondanyare koinyor` obuya bwaye bwonsi;  Ndater` ase Yeso nony` as` emechando,  Ere nandende ase amaboko Aye.   3 Ndater`ase Yeso, Gonkogend`enchera,  Ning`use orogendo, ng`ike asare; Nainche ninsoe egesieri keria,  Nimoterere Yeso,  Igoro botambe.

ENSE ENGIYA   1 Gochi` as`ens`engiya ng`umbu,  Malaika bagotera, Haleluy` as` Omotoria,  Hosan` as`Omogambi;  Togotara noboremu,  Tokoragwa na Tata,  Korw` ense y`ebibe nobororo goch`ens` engiya.   Chorus: Omogoko togoika.  Natobeke chigutwa;  As` ens`eria engiya,  As` ens` eyi` engiya ng`umbu.   2 `Bachenu bande mbachit`as`en`eyio riria kare,  `Ngaki bono yaerire, Erio naintwe tosoe;  Ntogende bosio rioka, Tobe nabwo batorigwe,  Ntotogi` Erieta riaye botamb` as`ens`eyi` engiya.   3 As`ens`eyio obomenyo bwarosigw`ase bonsi,  `Ba begenet` Omotoria na koigw`eriogi riaye;  `Ngaki y`omogoko ngoch`er`Omonen` arachike,  Toyetig` ense ey`embe, Togend` as`ense` eri` engiya.

ABAKORERI B`ENCHILI   1 Inyora abaisraeli, Bakemurunganeria Musa; Ndamwamu ya Nyasa` egacha, Bagasirera as`eroro.   Chorus: Datani, Kora, Abiiraimu, `S`endamwamu  y`oborai; Rikamanoka bakarimera,  Nekiorokeren`ase tore.   2 `Moik` omochenu abarae,  Timobek`endamwamu bosio;  As`ogochor` abakoreri. Toma Enchili ense  yonsi.   3 Abachorwa b`obokoreri, Timomenya  Yerusalemu; Mwarangerigwe Makedonia,  genda, o erio mobakonye.   `Monene Yeso`oranerie, `Bange bakur`  as`ebibe! `Manying` abo narigigw` as` ore,  Otachieti eri`obokonye.   4 Mbwanchani bwa kerengo ki obo?  `Monene gokwa igoro yaito; Erio tonyare  koborigwa, `Babe twabeir` abana baye.

`S` EMAMBIA Y`OKOBOKIGWA   1 `S`emambia yokobokigwa, getureri nkebuge, Ntoboke (Halleluya) Ntoboke. `Bachenu mbachenge gocha, `mariga takobao, Ntoboke (Halleluya! `emambi eyio Natoboke) Ntoboke.   Chorus: (Ntoboke) Halleluya (Ntoboke) Amen Ntoboke (Halleluya)! `S`embambia yokobokigwa Ker`amakweri_arabugwe, Ntoboke (Halleluya `mambi`eyio Natoboke) Ntoboke.   2 `Semambia yokibokigwa naki` Mogand`orabe! Ntoboke (Halleluya) Ntoboke. Tata, Baba, Banchwa bonsi, kero torarorane, Ntoboke (Halleluya `emambi`eyio Natoboke) Ntoboke.   3 `Semambia yokobokigwa `Birengereri`ebiya, Ntoboke (Halleluya) Ntoboke. Morore Motori `omwanchwa, Bwerwete agankwera, Ntoboke (Halleluya` mambieyio Natoboke) Ntoboke.   4 `Semambia yokobokigwa, Ntoumeran` amare, Ntoboke (Halleluya) Natoboke. Ntoirwe as `obonene ` s `enk `engiy `ekomesa, Ntoboke (Halleluya! Mambi `eyio Natoboke) Ntoboke.

OMOCHIE OMUYA ZAYONI   1 `Mochi`omuya nore aria ng`umbu, ` Makweri taiyo nonya mbororo, Yeso Tata ng`ir`aria Zayoni As`agiy`omogoko botambe, As`agiy`omogoko botambe,   2 `Mochi`omuya, (Zayoni) Zayoni n`omochie bw`abachenu; (Zayoni) Tomenye o, (Tomenye) Tobe n`omogok`omonge mono, Yeso Tata ng`ir`aria Zayoni, Yeso tata ng`ir`aria Zayoni.   3 Abarameny`omochi`o Zayoni, Mbaria babegete `yanga ndabu Yeso ner`orab`omobaso` obo, Botuko mbokoba o naende, Botuko mbokoba o naende.   4 Nkarigereri`omochi`O zayoni, Nkaba n`okogania `nso`aroro; Yes`ombwat` okoboko Onyimokie Erio nsoe omoch` O Zayoni Erio nsoe omochi o Zayoni   5 Yeso mbwate, (koboko) `Koboko nso`omochi`O Zayoni; Zayoni Nyimokie nche (Nyimokie) Ng`ikarans`okoboko kwao Yeso Tata ng`ir`aria (Zayoni) Yeso Tata ng`ir`aria Zayoni.

`S` ERI`ETA RIA YESO   1 `S`Erieta ria Yeso, `S`Erieta ria Yeso;  Ntore Nobobui!   2 `S`Erieta ria Yeso, `S`Erieta ria Yeso;  Saitani natame!   3 `Ng`oratobue, Togwatora Eriet`eri rinene? Yeso; Yeso; Yeso; Yeso!  "Ntore N`obobui"

`BOTUK` OBOCHENU   1 `Botuk`Obochenu, `Boser`Oborabu Bor`ase ng`ina n`omwana, `Mwan`omochenu Omoitongo, `Raire n`omorembe, `Raire n`omorembe,   2 `Botuk `Obochenu, `Borabu bwachire, `Malaika bagotera; A lleluyah `s`omogambi! Oiboirw`Omotoria, Oiboirw`Omotoria.   3 Botuk`obochenu Omwan`oNyasae. `Borabu bwarwa as`are; Bogotori `as `obuya, Oiboirw`Omonene, Oiboirw`Omonene.   4 `Botuk`obochenu, Ng`enang`eni raba Totere n`amalaika; Alleluya `Mogambi! Oiboirw`Omotoria, Oiboirw`Omotoria.

KIRA TEGERERA   1 Kira   tegerera,   `Kemonyo   nkere, Kira tegerera, Toigwe ring`ana.   Chorus: Tara   ng`or`Omonene   nao   Are   aa, Tara ng`or`Ateba, Tosuke ang`e.   2 Kira   tegerera,   N`achen_as`aa, `Matabau_atebe Ng`ana ri`obuya.   3 Kira   tegerera,   Torw`ogosaba, Tun`ay`Edeni, Tosange amo.   4 Kira   tegerera,   Amaber`Aye, Kira  tegerera,  Gany`Omonene.

TWAREMA EMEGONDO   1 Twarema emegondo, Na koyebusura, Nyasae orw`embura, N`oborendi obuya; Areta riberera, Areta `mbokendu, `Mbe`engiya n`omobaso, N`embura y`okwamia   Chorus: Ebiegw`ebiya, Nigoro bikorwa, Mbuya, Mbuy` as`Omonene, `s`obwanchani bwaye.   2 Mbuya, Tat`Omwachani, As`amaya onsi, Risimeka, rigesa, `Bogima, `ndagera; Ntobwati ebitorarwe, As`obwancham obo, Ko ekioganeti`Aye, Ne chinkoro chiato.   3 Titokoba `abande, Bun`Er`atoeire! Tobakony`abanto, Kogenda Igoro; Torw`esadaka yaito, Yangoyi `abotomwa, Bwa Kristo im`as`ense, N`ogotoreka bo.

YESO NGURU CHIANE   1 Yeso nguru chiane, Nko` ogwenchanda kwane; Nkwegen`as `obokanyeku, ``Gw`ogosaba kwane.   2 Ing`enkor`engiya, Erio nyeange nche; Tintara chinchera chimbe, Na tingoki`amabe.   3 Ing`enkor`endemu, `S`emechando yonsi; Nyoteneni` Omosalaba, `Nyorende bokong` u.   4 Ing`ogokoiroka, N`eriso eriongo; Gokorigereria Aye, K`ebibe bir`ange.   5 Ong`e na Omoika, Ore ang`e rioka; `Y`orendet`ekero gionsi, Ase ogosaba.

`NG`ANA Y`OMONENE   1 `Ng`ana y`Omonene, `Torae botambe, Oyoriegenete, Nanyor`Omogoko.   2 `Babisa mbabao, Ntonyore chinguru, `Ng`ana ri`okoremia, `Ret`ogotoreka.   3 K`emerind`egocha, N`aimar`atotuba, `Ng`ana riao ribe, Eng`ay`as`enchera.   4 Ng`oranyare kwera, `Mogok`ore naki, Oyotwanyorire, Korw`ase ring`ana?   5 `Ng`ana y`amabera, As`abare moyo, Rikorw`oboremu, Ase abagokwa.   6 Gatwamanyire bo, Obochenu bwaye; Togwanch`Omonene, Tobe naye rioka.

YES` OTORANGEIRIE   1 Yes`Otorangeirie Korwa, `S`egeturi gi`ens`eye; Botambe nkorangeri`are, "Omokristo ntunyana".   2 Naki_aborokigwa baye, Mbaigwet` okorangeria; Bagatig`ebinto bionsi, Babakorer`abande.   3 `Torangeirie totige osasim `emegwekano; Ateba ``Mokristo nyanche mono kobua ense".   4 `S`amatuko yomogoko Nonya nay`emechando; Arangeria, "Omokristo; Nyanche mono kobua"   5 `Torangeiri`as`amabera, Tokony`erio tokoigwe; Tokoigwere na kogwancha, Togokorere buya.

`MALAIKA A NYASAE BAMENYE   1 `Malaika a Nyasae bamenye; Ang`e ange, ang`e naintwe; Nabakonye abegeni; Botambe.   Chorus: O rire ri`omorero, rire ri`omorero, Ntang`ana inche botambe O rire ri`omorero, rier ri`omorero, Ntang`ana goika igoro.   2 Emechando ker` as` enchera, Natokonye, natokonye; Natonyor` obotamero As`Are.   3 As` orogendo rwaito rwonsi, Omonene, Omonene, Natotang`ane botambe As`ens`eye.